مہنگائی کے ستائے عوام کی نظریں پیٹرولیم مصنوعات کی قیمتوں پر لگی ہیں۔ امکان ظاہر کیا جا رہا ہے کہ یکم اکتوبر یعنی کل سے پیٹرول اور ڈیزل کی قیمت میں کمی ہو گی۔ ذرائع کا کہنا ہے کہ ڈالر کے مقابلے میں روپے میں استحکام کی وجہ سے پیٹرولیم مصنوعات کی قیمتوں میں کمی ہو سکتی ہے،عالمی مارکیٹ میں بھی خام تیل کی قیمتیں کم ہوئی ہیں، وزارت خزانہ کی جانب سے نگراں وزیرِ اعظم سے مشاورت کے بعد حتمی فیصلہ کیا جائے گا۔
