,

پی او ایف انسٹی ٹیوٹ آف ٹیکنالوجی کے وفد کا گورنمنٹ کالج آف ٹیکنالوجی ٹیکسلا کا دورہ، باہمی تعاون کے فروغ میں دلچسپی

ٹیکسلاز( نمائندہ نوائے ٹیکسلا ) پی او ایف انسٹی ٹیوٹ آف ٹیکنالوجی (پی او ایف آئی ٹی) کے پرنسپل انجینئر خورشید اختر، جو سابق مینیجنگ ڈائریکٹر پی او ایف گدوال بھی رہ چکے ہیں، نے ٹیکنیکل آفیسر پی او ایف انسٹی ٹیوٹ آف ٹیکنالوجی محمد اسلم خان کے ہمراہ گورنمنٹ کالج آف ٹیکنالوجی ٹیکسلا کا دورہ کیا۔دورے کے دوران وفد نے ادارے کی مختلف لیبارٹریوں کا تفصیلی معائنہ کیا اور وہاں دستیاب جدید سہولیات، تکنیکی آلات اور انفراسٹرکچر کا جائزہ لیا۔ انجینئر خورشید اختر نے کالج میں فراہم کردہ جدید تعلیمی و تکنیکی سہولیات کو سراہتے ہوئے ادارے کی کارکردگی اور ترقیاتی ڈھانچے پر اطمینان کا اظہار کیا۔اس موقع پر وفد نے دونوں اداروں کے درمیان مستقبل میں باقاعدہ مفاہمتی یادداشت (ایم او یو) طے کرنے میں گہری دلچسپی ظاہر کی، جس کا مقصد باہمی تعاون کو فروغ دینا، دستیاب وسائل اور سہولیات کا اشتراک کرنا اور انہیں مؤثر انداز میں استعمال میں لانا ہے۔دورے کو دونوں تکنیکی تعلیمی اداروں کے درمیان روابط مضبوط بنانے اور مستقبل میں مشترکہ تعاون کے نئے امکانات تلاش کرنے کی جانب ایک مثبت پیش رفت قرار دیا جا سکتا ہے۔ مجوزہ مفاہمتی یادداشت کے ذریعے ادارہ جاتی اشتراک اور تکنیکی وسائل سے بہتر استفادے کے مواقع پیدا ہونے کی توقع ہے۔

متعلقہ خبریں

راولپنڈی پولیس لائنز میں منشیات اور ویپ کے نقصانات سے آگاہی کے لیے سیمینار، طلباء کی بڑی تعداد میں شرکت

November 18, 2026 | Dr Syed Sabir Ali

راولپنڈی(کرائم رپورٹر ، نوائے ٹیکسلا) پولیس لائنز ہیڈکوارٹرز راولپنڈی میں ویپ اور منشیات کے نقصانات، ان کے انسانی زندگی اور معاشرے پر منفی اثرات…

مزید پڑھیے ←