واہ کینٹ ( نمائندہ نوائے ٹیکسلا ) پاکستان تحریک انصاف شمالی پنجاب کے صدر ملک تیمور مسعود اکبر نے سابق نائب ناظم لب موہڑہ چوک ملک واجد اور ماسٹر آصف کی خصوصی دعوت پر یونین کونسل لب ٹھٹھو کا دورہ کیا، جہاں آمدہ بلدیاتی انتخابات کے حوالے سے اہم مشاورتی نشست کا انعقاد کیا گیا۔اس موقع پر منعقدہ ملاقات میں علاقے کی موجودہ سیاسی صورتحال، بلدیاتی انتخابات کی تیاریوں اور مقامی و علاقائی امور پر تفصیلی تبادلہ خیال کیا گیا۔ شرکاء نے بلدیاتی انتخابات کے تناظر میں مقامی سطح پر سیاسی سرگرمیوں، تنظیمی معاملات اور انتخابی تیاریوں سے متعلق مختلف امور پر اپنی آرا کا اظہار کیا۔مشاورتی نشست میں سعد علی خان سمیت یونین کونسل لب ٹھٹھو کے معززین، مقامی سیاسی و سماجی شخصیات اور علاقہ مکینوں نے بڑی تعداد میں شرکت کی۔ اس موقع پر شرکاء نے باہمی گفتگو کے ذریعے علاقے کے سیاسی حالات اور بلدیاتی نظام سے متعلق امور کا جائزہ لیا۔ملاقات کے دوران اس امر پر بھی تبادلہ خیال کیا گیا کہ آمدہ بلدیاتی انتخابات کے سلسلے میں مقامی سطح پر سیاسی و تنظیمی رابطوں اور مشاورتی سرگرمیوں کو کس انداز میں آگے بڑھایا جائے۔ شرکاء نے علاقے کے مختلف مسائل اور بلدیاتی امور کو بھی گفتگو کا حصہ بنایا۔ملک تیمور مسعود اکبر کا یونین کونسل لب ٹھٹھو کا یہ دورہ مقامی سیاسی قیادت اور علاقہ معززین کے ساتھ رابطوں اور بلدیاتی انتخابات کے حوالے سے مشاورت کی ایک سرگرمی قرار دیا جا رہا ہے۔

فیلڈ مارشل سید عاصم منیر سے ایرانی وزیر خارجہ عباس عراقچی کی ملاقات
فیلڈ مارشل سید عاصم منیر کا علاقائی امن و استحکام کے لیے مسلسل رابطوں، باہمی اعتماد اور قریبی رابطہ کاری کی اہمیت پر زور…
مزید پڑھیے ←






