, ,

ملک تیمور مسعود اکبر کی اٹک کے اسیرانِ جمہوریت سے ملاقات، رہائی پر مبارکباد پیش کی

اٹک (ڈسٹرکٹ رپورٹر )صدر پاکستان تحریک انصاف شمالی پنجاب ملک تیمور مسعود اکبر نے ضلع اٹک سے تعلق رکھنے والے اسیرانِ جمہوریت سے ملاقات کی اور جیل سے رہائی پر انہیں مبارکباد پیش کرتے ہوئے ان کی سیاسی جدوجہد، استقامت اور قربانیوں کو خراجِ تحسین پیش کیا۔

ملاقات کی میزبانی ضلعی صدر اٹک قاضی احمد اکبر اور ضلعی جنرل سیکرٹری ملک عاصر سدرال نے کی۔ملاقات کے دوران ملک تیمور مسعود اکبر نے رہائی پانے والے کارکنوں سے گفتگو کرتے ہوئے کہا کہ انہوں نے مشکل حالات اور قید و بند کی صعوبتیں برداشت کرتے ہوئے اپنے سیاسی نظریے اور قائد عمران خان کے ساتھ وابستگی کو برقرار رکھا، جو قابلِ تحسین ہے۔ انہوں نے کارکنوں کی ثابت قدمی، حوصلے اور سیاسی جدوجہد میں ان کے کردار کو سراہتے ہوئے رہائی پر دلی مبارکباد پیش کی۔ملاقات میں ضلع اٹک سے تعلق رکھنے والے ابراہیم خان، شیر بہادر خان، قاری اسامہ، حافظ حسن معاویہ، شاہ زیب، محمد تیمور، بابو حنیف، لیاقت خان، نادر خان، عبدالرحمٰن، محمد ناصر محمد اور احمد دین شریک تھے، جنہیں رہائی کے بعد پارٹی قیادت اور ساتھیوں کی جانب سے مبارکباد اور خراجِ تحسین پیش کیا گیا۔اس موقع پر سابق امیدوار برائے ایم پی اے ملک جمشید،سابق امیدوار برائے ایم پی اے سعد علی خان اور سابق امیدوار ایم پی اے چوہدری نذیر بھی موجود تھے۔ شمالی پنجاب کے پارٹی عہدیداران سردار منصور عباسی، حسنین سمبل، ملک یاسر پتوالی، ملک عظیم، سجاد بٹ اور مسلم شہزاد سمیت دیگر رہنماؤں نے بھی ملاقات میں شرکت کی۔اجتماع میں ضلعی جنرل سیکرٹری راولپنڈی خان عاقل اور انصاف لائرز فورم ضلع راولپنڈی کے صدر نبیل ستی بھی شریک تھے۔ملاقات کے دوران رہائی پانے والے کارکنوں کی سیاسی جدوجہد، ان کے حوصلے اور پارٹی کے ساتھ وابستگی کو سراہا گیا جبکہ ملک تیمور مسعود اکبر نے انہیں رہائی پر مبارکباد دیتے ہوئے ان کی قربانیوں اور استقامت پر خراجِ تحسین پیش کیا۔

متعلقہ خبریں

ڈہرکی کی ست رام پوری کالونی میں پالکی صاحب اور گرو کی سنگت کا پرتپاک استقبال, جمعہ کو مذہبی عقیدت و احترام کے ساتھ خصوصی استقبالیہ تقریب

November 20, 2026 | Dr Syed Sabir Ali

ڈہرکی(نوائے ٹیکسلا رپورٹ ) ست رام پوری کالونی ڈہرکی میں جمعہ کو پالکی صاحب (گرو مہاراج) اور گرو کی سنگت کا انتہائی عقیدت و…

مزید پڑھیے ←

جناح زیدی لائبریری کامسیٹس میں فن و ثقافت کے دو رنگا رنگ پروگرام، طلبہ کی تخلیقی صلاحیتوں اور بین الثقافتی مکالمے کو فروغ

November 20, 2026 | Dr Syed Sabir Ali

اسلام آباد( نمائندہ نوائے ٹیکسلا ) کامسیٹس یونیورسٹی اسلام آباد کی جناح زیدی لائبریری میں قائم کامسیٹس آرٹ گیلری کے زیرِ اہتمام فن، ثقافت…

مزید پڑھیے ←

ورلڈ کلچر فیسٹیول کراچی میں امریکی فن، موسیقی، سائنس اور ٹیکنالوجی کی نمائش، امریکی و پاکستانی فنکاروں کی مشترکہ پرفارمنس

November 20, 2026 | Dr Syed Sabir Ali

کراچی (کلچر رپورٹر ، نوائے ٹیکسلا )امریکی قونصل خانہ جنرل کراچی نے آرٹس کونسل آف پاکستان کراچی کے اشتراک سے منعقدہ ورلڈ کلچر فیسٹیول…

مزید پڑھیے ←