,

اسلام آباد میں کمرشل گاڑیوں کی کمپیوٹرائزڈ نمبر پلیٹس اور فٹنس سرٹیفکیٹس لازمی قرار

اسلام آباد( نمائندہ نوائے ٹیکسلا ) چیف ٹریفک آفیسر (سی ٹی او) اسلام آباد محترمہ کائنات اظہر سے آل پاکستان فرنٹ ٹریڈرز ٹرک ڈمپر اونرز ایسوسی ایشن کے چیئرمین رفیق خان اور جمشید اختر اعوان نے ملاقات کی، جس میں ٹرانسپورٹ برادری کو درپیش مسائل، ٹریفک کے انتظامات اور کمرشل گاڑیوں سے متعلق مختلف امور پر تفصیلی تبادلہ خیال کیا گیا۔ملاقات کے دوران ٹرانسپورٹرز کو درپیش مشکلات اور گاڑیوں کے قانونی و انتظامی تقاضوں پر بات چیت کی گئی۔ اس موقع پر اسلام آباد سٹی ٹریفک پولیس کی جانب سے ضروری ہدایات بھی جاری کی گئیں، جن کے مطابق گاڑیوں کے مالکان کو اپنی گاڑیوں پر کمپیوٹرائزڈ نمبر پلیٹس لگوانے کے لیے 30 تاریخ تک مہلت دی گئی ہے۔اجلاس میں ڈمپرز اور دیگر کمرشل گاڑیوں کے لیے فٹنس سرٹیفکیٹ کے تقاضوں کی پابندی کو بھی لازمی قرار دیتے ہوئے ہدایت کی گئی کہ تمام متعلقہ مالکان اپنی گاڑیوں کی فٹنس کے حوالے سے مقررہ شرائط پوری کریں اور ضروری دستاویزات مکمل رکھیں۔چیف ٹریفک آفیسر کائنات اظہر کی جانب سے ٹرانسپورٹرز کو ہدایت کی گئی کہ وہ ٹریفک قوانین اور جاری کردہ ہدایات پر عمل درآمد یقینی بنائیں، تاکہ سڑکوں پر ٹریفک کی روانی، شہریوں کی حفاظت اور کمرشل ٹرانسپورٹ کے نظام کو بہتر بنایا جا سکے۔ملاقات میں اس امر پر بھی زور دیا گیا کہ ٹرانسپورٹ برادری اور ٹریفک پولیس کے درمیان مؤثر رابطہ اور تعاون برقرار رہنا چاہیے تاکہ مسائل کو باہمی مشاورت سے حل کیا جا سکے اور قانونی تقاضوں پر عمل درآمد کے دوران ٹرانسپورٹرز کو درپیش مشکلات کا مناسب ازالہ ممکن ہو۔اس موقع پر ٹرانسپورٹرز کے نمائندوں نے بھی اپنی برادری کے مسائل اور تحفظات سے آگاہ کیا۔ اجلاس میں جاری کردہ ہدایات کے مطابق گاڑیوں کے مالکان سے توقع کی گئی کہ وہ مقررہ مدت کے اندر کمپیوٹرائزڈ نمبر پلیٹس نصب کروائیں اور ڈمپرز سمیت تمام کمرشل گاڑیوں کے فٹنس سرٹیفکیٹس کی تکمیل یقینی بنائیں۔

متعلقہ خبریں

ڈہرکی کی ست رام پوری کالونی میں پالکی صاحب اور گرو کی سنگت کا پرتپاک استقبال, جمعہ کو مذہبی عقیدت و احترام کے ساتھ خصوصی استقبالیہ تقریب

November 20, 2026 | Dr Syed Sabir Ali

ڈہرکی(نوائے ٹیکسلا رپورٹ ) ست رام پوری کالونی ڈہرکی میں جمعہ کو پالکی صاحب (گرو مہاراج) اور گرو کی سنگت کا انتہائی عقیدت و…

مزید پڑھیے ←

جناح زیدی لائبریری کامسیٹس میں فن و ثقافت کے دو رنگا رنگ پروگرام، طلبہ کی تخلیقی صلاحیتوں اور بین الثقافتی مکالمے کو فروغ

November 20, 2026 | Dr Syed Sabir Ali

اسلام آباد( نمائندہ نوائے ٹیکسلا ) کامسیٹس یونیورسٹی اسلام آباد کی جناح زیدی لائبریری میں قائم کامسیٹس آرٹ گیلری کے زیرِ اہتمام فن، ثقافت…

مزید پڑھیے ←

ورلڈ کلچر فیسٹیول کراچی میں امریکی فن، موسیقی، سائنس اور ٹیکنالوجی کی نمائش، امریکی و پاکستانی فنکاروں کی مشترکہ پرفارمنس

November 20, 2026 | Dr Syed Sabir Ali

کراچی (کلچر رپورٹر ، نوائے ٹیکسلا )امریکی قونصل خانہ جنرل کراچی نے آرٹس کونسل آف پاکستان کراچی کے اشتراک سے منعقدہ ورلڈ کلچر فیسٹیول…

مزید پڑھیے ←